Velkommen
til
Norsk Fosterhjemsforening
Møre og Romsdal

Bli Medlem !

Aktivitetar 2009 -2010

Etter nedlegging av lokallaga i Møre og Romsdal bestemte vi at det skulle lagast ”aktivitetsbobler” i alle regionar som det før var lokallag i, og at ein representant frå fylkesstyret skulle delta ilag med folk frå aktuell region.

21. november 2009. ”Bobla” på Sunnmøre har invitert alle fosterforeldre på Sunnmøre, 180 par, til julebordssamling på Hasund bygdahus i Ulsteinvik, til tradisjonell julemat, riskrem, jordbærpure, kaker og kaffi. Lett og god underhaldning av to damer som kallar seg Fryd og Glede, samt sosialt samvær utan fagleg påfyll. Det einaste faglege som vi legg opp til i denne omgang er at vi vil sondere terrenget for likemannsarbeid i form av samtalegrupper. Ut over vinteren vil leiar Ann Turid A. Egset dra rundt i regionen ilag med Torill Kleven å starte opp samtalegrupper. Dette vert spanande.

19.-21. Februar 2010. Samling for biologiske barn, fosterbarn og familien deira. Invitasjon kjem ved årsskifte ilag med invitasjon til årsmøteseminaret.

To viktige tema for samlinga:

1. 1. At nokon set ord på korleis det er å vere biologisk barn i fosterheimen.

2. At nokon set ord på korleis det er å vekse opp med rus, og kva følgjer det kan få for oppveksten og for livet.

Å være barn i familien når mamma og pappa har bestemt seg for å ta i mot eit fosterbarn kan være krevjande. Når barnevernet planlegg ei plassering hos ein ny familie har dei gode intensjonar om å ta med dei barna som bur der frå før av, gjennom samtale, råd og rettleiing. Ofte vert nettopp dette nedprioritert då det er så mange oppgåver som står på dagsorden når eit born skal plasserast i ein ny heim. Norsk Fosterhjemsforening Møre og Romsdal har lenge hatt lyst å gjere noko med det, gjennom å skipe ei samling med kurs og aktivitetar for alle dei biologiske borna, samt fosterborna og familiane deira. For å belyse dette tema har vi fått med oss to damer som er oppvaksen med fostersøsken og som i dag er utdanna psykolog og barnevernspedagog.

For at det skal være mogleg å gjennomføre ei slik samling for biologiske barn i familien ser vi at vi må planlegge ei helg for heile familien, mor, far og alle borna som bur der. Det betyr igjen at vi må ha varierte innslag, både kulturelt og fagleg. Av den grunn legg vi samlinga til vintervakre Bjorli.

Innanfor fosterheimsarbeidet er rus eit vanskeleg tema, både å gi opplæring i, og å sikre i forhold til dei erfaringar dei einskilte borna har med seg, samt korleis fosterforeldre handterar det.

Til dette temaet har vi vore så heldig å få med oss Paal Andre Grinderud, guten som ga rus i familien eit ansikt, ein kapasitet som skal delta heile helga i forhold til fosterforeldre, fosterbarn og biologiske barn. Paal Andre kan setja ord på korleis det er å vekse opp med foreldre som ruser seg. Han veit å fenge med sitt enorme engasjement for barn og unge som opplever rus i sin oppvekst.

Denne samlinga har vi i styret eit ønske om skal bli så rimeleg for familiane at mange kan kome. Vi arbeider med å skaffe pengar, og har fått 35000 kroner frå Sparebanken Møre, og vi har sendt søknad til alle Lions klubbar i Møre og Romsdal, og har fått positivt svar frå nokon. Lions har eit spesielt fokus på rus og rusførebuande arbeid.

Alle i styret arbeider med å skaffe pengar frå lokalt næringsliv i sine lokalmiljø.

Sett av denne helgaJ

5.-7. Februar 2010 har Møre og Romsdal sitt tradisjonelle årsmøteseminar i Kristiansund. Invitasjon kjem ved årsskifte.

Tema for samlinga.

Hovudseminar. Tilknyting i fosterheimen og samtale med barn, av og med Emilie Kinge.

Kinge har lang erfaring og ho brukar ein praksis nær tilnærming til det ho snakkar om når ho skal forstå barn. Ho er oppteken av barnevernsbarn, fosterbarn og adopterte barn, fordi ho opplever at dei ofte ikkje møter den forståing som dei fortenar og trenger i barnehage og skole. Nokon av barna skriker seg til" oppmerksomhet og hjelp gjennom utfordrende atferd, mens andre reagerer innover med overtilpasning og usynliggjøring av egne behov.

Uansett bringer desse barna/ungdommene med seg en spesiell sårbarhet knyttet til tidlige tilknytningsbrot. Kinge er oppteken av at barna sine behov, reaksjoner og væremåte må forstås i lys av eit tilknytningsbrot.

Nær kontakt, samtale/dialog står sentralt i det å nærme seg forståelse for andre gjer at ho snakkar mykje om "de gode samtaleøyeblikk". Kinge har mange tankar om korleis fosterforeldre treng, i mange høve like mykje støtte og forståing som barna gjer. Ho er meir oppteken av å gi barn og unge støtte, rettleiing enn ho er oppteken av tilknytingsteoriar.

1. Det vert gitt tilbod om parallell seminar mest truleg over desse tema:

· Barn med minoritetsbakgrunn

· Barn og ungdom som lid av spelegalskap

· Fosterbarn som har ei utviklingsforstyrring

Sett av denne helgaJ

Ann Turid A. Egset

-leiar-